Apple ընկերության սմարթֆոնների 6-րդ սերունդը նախորդի համեմատ կունենա ավելի բարակ ու ավելի երկար կորպուս, իսկ դիսփլեյը 3,5 դյույմից կդարձվի 4 դյույմ: iLounge կայքի տվյալներով՝ նոր iPhone 5-ը iPhone 4S-ի համեմատ կլինի 10 մմ երկար՝125 մմ, և 2 մմ բարակ` 7,4 մմ: Այն կունենա LTE մոդուլ:
Նոր սմարթֆոնի առաջնային պանելը չի փոխվի: Այն կպատվի հարվածներից սարքը պաշտպանող Gorilla Glass երկրորդ սերնդի ապակիով, որը Corning ընկերությունը ներկայացրել էր հունվարին կայացած CES 2012 ցուցադրության ժամանակ: Նոր սմարթֆոնը կթողարկվի աշնանը: Ոչ պաշտոնական տեղեկություններ կան, որ նոր սմարթֆոնը Apple-ը կպատրաստվի «հեղուկ մետաղից»: Նոր նյութի արտադրական տեխնոլոգիան դեռևս անկատար է, այդ իսկ պատճառով Apple-ն այն հավանաբար կպահի մեկ այլ «հեղափոխական արտադրանքի» համար:
