«Ռեալ»-ի գլխավոր մարզիչ Ժոզե Մոուրինյոն մեկնաբանել է «Բարսելոնա»-ից Պեպ Գվարդիոլայի հեռանալու մասին որոշումը:
«Դա նրա անձնական գործն է: Ես պատկերացում չունեմ, թե ինչու է Պեպն այդպիսի որոշում կայացրել: Այն, հավանաբար, կմեկնաբանվի: Ինչ վերաբերում է ինձ, ապա կասեմ, որ ամռանը խիստ զայրացած եմ լինելու մարզումներն ու խաղերը «կարոտելու» պատճառով:
Ցանկացած որոշում պետք է հարգվի: Չէ՞ որ, ի վերջո, ամենակարևորը կյանքը վայելելն է: Եթե Գվարդիոլան զգում է, որ կարող է վայելել կյանքը՝ ընդհատելով մարզչական գործունեությունը, ապա ես ուրախ եմ նրա համար: Գրկում եմ նրան:
Չեմ կարողանում հասկանալ, թե ինչու են որոշ մարդիկ կարծում, թե «Բարսելոնա»-ի մարզչի հրաժարականը մեզ համար օգտավետ կլինի: «Ռեալ»-ը դա «Ռեալ»-ն է: Մադրիդյան ակումբն ունի իր ճանապարհը և իր դիրքորոշումը: Ես էլ որոշել եմ աշխատել այստեղ՝ անկախ այլ ակումբների մարզչական շտաբներում տեղի ունեցող փոփոխություններից: Գվարդիոլայի հեռանալը ոչ մի նշանակություն չունի «Ռեալ»-ի համար:
Եթե «Բարսա»-ում որոշել են, որ Վիլանովան կարող է փոխարինել Պեպին, ուրեմն ակումբի ղեկավարները վստահ են դրանում»,- եզրափակել է Մոուրինյոն:
