Մալայզիայում առաջին անգամ մտցվել է աշխատավարձի նվազագույն չափ հասկացությունը՝ կապված խորհրդարանական ընտրությունների նախօրեին անապահով ընտանիքներին աջակցելու հետ:
Ինչպես հաղորդում է BBC-ն, նոր օրենքի համաձայն՝ երկրի թերակղզու հատվածի մասնավոր սեկտորի աշխատակիցները ամսական կստանան առնվազն 900 ռինգիտ (297 դոլար) աշխատավարձ, իսկ Կալիմանտոն քաղաքի նրանց գործընկերները՝ 100 ռինգիտով պակաս:
«Սա Մալայզիայի համար պատմական պահ է: Այժմ անապահով ընտանիքները երաշխավորությամբ պաշտպանություն կստանան չքավորության դեմ և ավելի կայուն կդառնան ապրանքների և ծառայությունների բարձրացող գների պայմաններում»,- հայտարարել է դաշնության վարչապետ Նաջիբ Թուն Ռազակը:
Մալայզիայի կառավարությունն իր առջև նպատակ է դրել մինչև 2020 թ. հասնել «ապահովված ազգի» կարգավիճակի: Այժմ այն ՀՆԱ ծավալով Հարավարևելյան Ասիայի երրորդ տնտեսությունն է:
