ԱՄՆ ևս մեկ անգամ խնդրել է միջուկային կարողություններ ունեցող երկրներին զսպվածություն ցուցաբերել այն բանից հետո, երբ Հնդկաստանն ու Պակիստանը այս վերջին մի քանի օրերի ընթացքում բալիստիկ հրթիռներ էին փորձարկել:
The Indian Express-ը հաղորդում է, որ պետքարտուղարության խոսնակ Վիկտորյա Նուլանդը, ի պատասխան վերջերս Պակիստանի կողմից իրականացված հրթիռային փորձարկման վերաբերյալ հարցի, ասել է, որ ԱՄՆ-ն նույն պատասխանն ունի այդ ամենին ինչպես նախկինում Հնդկաստանի դեպքում, և իրենք միջուկային կարողություններ ունեցող բոլոր երկրներին կոչ են անում զսպվածություն ցուցաբերել:
Նուլանդն ավելացրել է, թե իրենք ընդունում են, որ Պակիստանի փորձարկումը ծրագրված էր և կապ չուներ դրանից մի քանի օր առաջ Հնդկաստանի կողմից արձակված հրթիռի հետ։ Բայց, այնուամենայնիվ, Նուլանդն ասել է, որ Պակիստանի կողմից նման քայլը կարծես թե զգուշացում լինի Հնդկաստանի համար, իսկ ԱՄՆ-ի համար կարևոր է, որ այդ երկու երկրները շարունակեն աշխատել միասին ու բարելավել երկխոսությունը:
