Լիբիայի ժամանակավոր կառավարության ղեկավար Աբդել Ռահիմ Ալ-Քիբը Ազգային անցումային խորհրդին (ԱԱԽ) մեղադրում է Ազգային ասամբլեայի ընտրությունների անցկացման ժամկետը խախտելու մեջ:
Ինչպես հաղորդում է Lenta.ru-ն, Ալ-Քիբի խոսքերով՝ կառավարության գործողություններին՝ «հանուն հեղափոխության կատարել իր պարտականթյունները» ընտրությունները կազմակերպելու տեսքով, փաստացիորեն «խոչընդոտում են» ԱԱԽ մի շարք անդամներ, որոնք սպառնում են անվստահության քվե ներկայացնել նախարարների կաբինետին:
Ալ-Քիբը նաև նշել է, որ կառավարությունում իր լիազորությունները կատարելու պահից սկսած՝ իրեն հաջղվել է զգալի արդյունքների հասել Լիբիայի վերականգնման, մասնավորապես նավթի կրկնակի մակարդակով արդյունահանման, ինչպես նաև երկրի տարբեր շրջաններում մի շարք զինված հակամարտություններ ճնշելու հարցում:
ԱԱԽ ներկայացուցիչները, որոնք այս պահին վերահսկողություն են իրականացնում կառավարության գործողությունների վրա, ավելի վաղ իրոք խոսում էին կառավարությանն անվստահության քվե ներկայացնելու հնարավորության մասին, սակայն դա կապում էին երկրի անվտանգության և բյուջետային գումարները ծախսելու հարցում կառավարության անարդյունավետ գործողությունների հետ:
Նախատեսվում է, որ Լիբիայի Ազգային ասամբլեայի ընտրությունները տեղի կունենան 2012 թ. հունիսի 19-ին: Ընտրված նոր մարմինը, ենթադրվում է, կմշակի սահմանադրությունը և կիրականացնի ժամանակավոր խորհրդարանի գործառույթները: Նոր սահմանադրության ընդունումից հետո սպասվում է, որ կանցկացվեն համընդհանուր նախագահական և խորհրդարանական ընտրություններ: