Միջազգային իրավապաշտպանական Amnesty International կազմակերպությունը դիմել է Եվրամիությանը` կոչ անելով Կոսովոյում 1999թ.-ի հակամարտության ժամանակ երկու կողմերից էլ իրականացված հանցագործությունների լրացուցիչ հետաքննություն սկսել: Այս մասին հաղորդում է «Ազատություն» ռադիոկայանը:
Իրավապաշտպանների կարծիքով` Եվրամիությունը պետք է ուժեղացնի իր առաքելությունների դերը Կոսովոյում և առաջնային ուշադրություն դարձնի զինվորական հանցագործությունների հետաքննությունների անցկացմանը:
Կազմակերպությունում կարծում են, որ այդ խնդիրը լուծելու համար անհրաժեշտ է ավելացնել ոստիկանների, դատախազների և դատավորների թիվը: Amnesty International-ը հատկապես պնդում է գնչուների, սերբերի և այլ էթնիկ խմբերի կողմից հետպատերազմյան շրջանում իրականացված հանցագործությունների հետաքննության հարցը: