Քիչ առաջ երկրի նախագահը հաստատել է նոր վարչապետի թեկնածությունը:
Ինչպես հաղորդում է Arab News Online կայքը, «Հիզբոլլահ» շարժման, ինչպես նաև խորհդարանական մեծամասնության կողմից աջակցություն ստացած Նաջիբ Միքաթին կգլխավորի Լիբանանի նոր կառավարությունը:
Այսօր Բեյրութում անցկացված քննարկումների ժամանակ Միքաթիի օգտին արտահայտվել է Լիբանանի խորհրդարանի 128 պատգամավորներից 68-ը: Սաադ Հարիրիի օգտին է քվեարկել 55 պատգամավոր:
Երկրի նախագահը այսօր Միքաթիին կառաջարկի ձևավորել կառավարություն:
Մինչդեռ Լիբանանի տարբեր քաղաքներում արդեն սկսվել են Սաադ Հարիրիի կողմնակիցների ելույթները, որոնք բողոքում են Միքաթիի առաջադրման կապակցությամբ:
Այսօր հեռուստատեսությամբ ելույթ է ունեցել Սաադ Հարիրին, որը հայտարարել է, որ թեպետ չի ճանաչում այս իրողությունը, սակայն հանդարտության կոչ է արել իր կողմնակիցներին, որպեսզի երկրում խաղաղությունը չխաթարվի. «Դուք վրդովված եք, բայց դուք պատասխանատու մարդիկ եք: Ես հասկանում եմ ձեր զգացմունքները»:
Ընդդիմության կողմն է անցել նաև Հարիրիի դաշնակից, դրուզների առաջնորդ Վալիդ Ջումբլատը, որը Հարիրիին մեղադրել է իր իսկ կողմից որդեգրած դեմոկրատական խաղի կանոններին դեմ գնալու համար:
Այս մասին գրում է РИА-Новости գործակալությունը:
