RFE/RL-ի փոխանցմամբ՝ Թուրքիան «խորապես հիասթափված է» ԱՄՆ նախագահ Բարաք Օբամայի մեկնաբանություններից, որոնք նախագահն արել էր Հայոց ցեղասպանության զոհերի հիշատակին նվիրված իր խոսքում:
Օբաման Ցեղասպանությունը համարել է 20-րդ դարի «վատթարագույն վայրագություններից մեկը»:
ԱՄՆ ղեկավարը նաև ասել է, որ հայերի նկատմամբ բռնություններ են կիրառել, կոտորել են կամ ստիպել քայլել այնքան՝ մինչև մահանան: Նախագահը, սակայն, իր խոսքում կրկին չի արտաբերել «ցեղասպանություն» բառը:
Թուրքիայի ԱԳՆ-ն Օբամայի մեկնաբանությունները համարել է «կողմնակալ»՝ հավելելով, որ մեկնաբանություններում «աղավաղվել են պատմական փաստերը»: