Իսրայելի արտգործնախարար Ավիգդոր Լիբերմանը պաշտոնական ուղերձ է ուղարկել վարչապետ Բենյամին Նեթանյահուին, որում մտագոհություն է հայտնել Եգիպտոսում տիրող իրավիճակի առնչությամբ:
«Այն, ինչ հիմա կատարվում է Իսրայելի հարավային սահմանի մոտ, անհանգստության ավելի մեծ առիթ է, քան իրանական վտանգը»,- նշել է նա: Լիբերմանը նույնիսկ խորհուրդ է տվել վարչապետին` այնտեղ ուղարկել երկու-երեք դիվիզիա, որպեսզի անհրաժեշտ ձևով նախապատրաստվեն Եգիպտոսում կատարվող քաղաքական փոփոխություններին:
Քաղաքական գործչի կարծիքով` եգիպտական կողմը կարող է խախտել խաղաղ բանակցության գործընթացը և Սինա զորքեր ուղարկել առանց Իսրայելի թույլտվությունը խնդրելու:
Ավելի վաղ ահաբեկչության դեմ պայքարի իսրայելական բյուրոն Սինայում գտնվող իսրայելցի զբոսաշրջիկներին հրանհանգել է անհապաղ հեռանալ թերակղզուց գոյություն ունեցող սպառնալիքի և կրիտիկական վիճակի պատճառով:
