Գիտնականները համեմատել են մի քանի պարկավոր գայլերի ԴՆԹ-երը և պարզել, որ մինչ կենդանիների լիովին ոչնչացումը, նրանք գենետիկական բազմազանության սահմանափակման պատճառով խոցելի են եղել: Այս մասին Կոննեկտիկուտի համալսարանի կայքում տպագրված հոդվածը մեջբերում է lenta.ru-ն:
Հետազոտողները պարկավոր գայլերի 12 տարբեր տեսակներից առանձնացրել են պահպանված ոսկորների, հյուսվածքների ԴՆԹ-երը: Տեսակների տարիքը տատանվել է 12-159-ի միջև: Կենդանիների ԴՆԹ-երը 99.5 տոկոսով համընկել են:
Այս տվյալները վկայում են այն մասին, որ մինչև անկումը, որը պայմանավորված էր մարդկային գործոնով (20-րդ դարի սկզբին կառավարությունը պարգևատրում էր որսորդներին կենդանիներին սպանելու համար), պարկավոր գայլերի գենետիկական տարբերությունը շատ ցածր էր: Ոչնչացված պարկավորների բազմազանությունը գենետիկ մակարդակով նույնիսկ ավելի ցածր էր , քան այժմ գոյություն ունեցող նրա ազգակցինը՝ տասմանյան հրեշինը:
Գիտնականները տասմանյան կենդանիների գենետիկական աննշան տարբերությունները կապում են պոպուլյացիայի մեկուսացման հետ, որը տեղի է ունեցել այն բանից հետո, երբ 10 հազար տարի առաջ Տասմանիայի և Ավստրալիայի միջև ցամաքային ճանապարհը ջրածածկ եղավ:
Այժմ տասմանյան հրեշի գոյությունը գտնվում է վտանգի տակ: Պատճառը քաղցեկեղի տարածումն է, որը արագորեն սպանում է կենդանիներին՝ թարախակույտի տեսքով հայտնվելով նրանց դեմքին: Այն թույլ չի տալիս կենդանիներին սնվել և խմել: Հիվանդությունը ներկայում ոչնչացրել է հրեշների թվաքանակի 70 տոկոսը: Գիտնականները ակտիվ, սակայն դեռևս անարդյունք պայքար են մղում հիվանդության դեմ՝ փրկելու հրեշների գոյությունը:
