Հանգստյան օրերին կայացան Անգլիայի առաջնության 24-րդ տուրի հանդիպումները:
Մեկնարկային խաղում «Լիվերպուլ»-ը հյուրընկալվեց «Վուլվերհեմփթոն»-ին և իր առաջին հաղթանակը տարավ Դալգլիշի գլխավորությամբ: Այդ խաղում ոչ այնքան կարևոր էր «Կարմիրներ»-ի տարած խոշոր` 0:3 հաշվով, հաղթանակը, որքան նրանց ցուցադրած խաղի բարձր որակը: Վերջապես իրեն գերազանց դրսևորեց Տորեսը, ով դարձավ դուբլի հեղինակ:
Խոշոր հաշիվներով հաղթանակներ տարան նաև «Արսենալ»-ն ու «Մանչեսթր Յունայթեդ»-ը: Արսեն Վենգերի սաներն «Էմիրեյթս»-ում 3:0 հաշվով պարտության մատնեցին «Ուիգան»-ին: Կարծես իր խաղը վերագտնում է «Արսենալ»-ի հոլանդացի հարձակվող Ռոբին վան Պերսին: Վերջինս դարձավ հեթ տրիկի հեղինակ և մեկ անգամ էլ վրիպեց 11 մետրանոց նշակետից:
Ինչ վերաբերում է առաջատարին, ապա «Կարմիր սատանաներ»-ն «Օլդ Թրաֆորդ»-ում հինգ անպատասխան գնդակ ուղարկեցին «Բիրմինգհեմ»-ի դարպասը: Հերթական անգամ իր բարձր կարգն ապացուցեց Դիմիտար Բերբատովը. նա երեք գնդակ հեղինակեց, մեկական անգամ էլ աչքի ընկան Գիգսն ու Նանին:
Ամենաանսպասելի արդյունքը գրանցվեց «Ասթոն Վիլլա»-«Մանչեսթր Սիթի» խաղում: Մրցաշարային աղյուսակի 17-րդ հորիզոնականը զբաղեցնող «Ասթոն Վիլլա»-ն «Վիլլա Պարկ» մարզադաշտում 1:0 հաշվով հաղթեց մինչ այդ երկրորդ հորիզոնականը զբաղեցնող «Մանչեսթր Սիթի»-ին: Այս պարտությունից հետո «քաղաքաբնակներ»-ը նահանջեցին երրորդ հորիզոնական` տեղը զիջելով «Արսենալին»:
Մյուս հանդիպումներում գրանցվեցին հետևյալ արդյունքները. «Նյուքասլ»-«Տոտենհեմ»` 1:1, «Բլեքփուլ»-«Սանդերլենդ»` 1:2, «Էվերտոն»-«Վեսթ Հեմ»` 2:2, «Ֆուլհեմ»-«Սթոուք»` 2:0, «Բլեքբըրն»-«Վեսթ Բրոմվիչ»` 2:0, «Չելսի»-«Բոլթոն» հանդիպումը կկայանա վաղը:
