Ավարտվեց Չեմպիոնների Լիգայի գավաթի 2011/12թթ խաղարկության կիսաեզրափակիչ առաջին հանդիպումը:
Մյունխենի «Ալյանս Արենա» մարզադաշտում կայացած «Բավարիա» – «Ռեալ» հանդիպումը վերածվեց ֆուտբոլային հիասքանչ ներկայացման:
Խելահեղ տեմպով անցած հանդիպման հաշիվը բացվեց 17-րդ րոպեին: Անկյունայինի խաղարկումից հետո Ֆրանսիայի ազգային հավաքականի կիսապաշտպան Ֆրանկ Ռիբերին հուժկու հարվածով գնդակը մխրճեց Իկեր Կասիլյասի պաշտպանած դարպասը: «Ռեալ»-ը կրկին գոլ բաց թողեց ստանդարտ դիրքի խաղարկումից հետո: Առաջին խաղակեսն ավարտվեց «Բավարիա»-ի հաղթանակով:
53-րդ րոպեին իսպանական ակումբի առաջատար Քրիշտիանու Ռոնալդուն նպաստավոր դիրքից անհաջող հարված կատարեց. թվում էր` վտանգն ավարտված է, սակայն Կարիմ Բենզեմայի ջանքերով գնդակը կրկին հայտնվեց պորտուգալացու մոտ, իսկ վերջինս Մեսութ Օզիլին հնարավորություն տվեց գրավելու իր հայրենակից Մանուել Նոյերի պաշտպանած դարպասը:
90-րդ րոպե. «արքայական ակումբ»-ի ֆուտբոլիստները սպասում են ֆանտաստիկ հանդիպում անցկացրած Հոուրադ Ուեբի` խաղավարտն ազդարարող սուլիչի ձայնին: Ժոզե Մոուրինյոն խաղադաշտ էր դուրս բերել Ֆաբիո Կոենտրաոյին (պահեստայինների նստարանին թողնելով գերազանց մարզավիճակում գտնվող Մարելոյին), ով «սանձեց» Արյեն Ռոբենին, և «Ռեալ»-ի պաշտպանության ձախ եզրում չառաջավ այն քաոսը, որը տիրում էր աջ եզրում: 90-րդ րոպեին առաջին անգամ պորտուգալացին հապաղեց: Ֆիլիպ Լամը, հայտնվելով նպաստավոր դիրքում, փոխանցում կտարեց դեպի դարպասային հրապարակ. Գոմեսը չէր կարող բաց թողնել գոլ հեղինակելու իր վերջին հնարավորությունն այդ խաղում: Ինչպես միշտ, ուշացավ բազմաչարչար Ալվարո Արբելոան, ով «անցումային գոտի» էր դարձրել «Ռեալ»-ի պաշտպանության աջ եզրը:
Այսպիսով` «Բավարիա»-ն արժանի հաղթանակ տարավ: «Բեռնաբեո»-ն սպասում է գերմանացիներին:
Bayern Munich 2-1 Real Madrid – All Goals by goalsarena2012-3
