Իսրայելցիները, ովքեր սովոր են Անկախության օրը հիանալ հետախուզական ռազմանավերով, այս տարի զրկված կլինեն այդ հաճույքից: Ռազմական բյուջեի կրճատման պատճառով բանակը որոշել է խնայել ռազմածովային զորահանդեսի վրա:
Իսրայելական մամուլի փոխանցմամբ` զինվորականները որոշել են չկազմակերպել քաղաքներում ռազմական տեխնիկայի ավանդական ցուցադրությունը, որի ժամանակ մեծահասակները և երեխաները կարող էին տեսնել, ձեռք տալ զինամթերքների նմուշները: Բայց, այնուամենայնիվ, «Բաց դռների օրը» ռազմական բազաներում կպահպանվի: Որոշում է կայացվել չհրաժարվել նաև օդային զորահանդեսից: BBC–ի բազաները ևս բաց կլինեն այցելությունների համար:
Բանակի կողմից կիրառվող խնայողության միջոցներն առաջացրել են ֆինանսների նախարարության զայրույթը: «Հասարակությանը կրկին շփոթմունքի մեջ են գցում` կիրառելով «բյուջետային կրճատում» տերմինը: 2011 թ. պաշտպանության բյուջեն կազմել է 57 միլիարդ շեկել (մոտ 15.2 միլիարդ դոլար), իսկ 2012 թ. այն կազմել է առնվազն 60 միլիարդ շեկել»,- ասվում է ֆինանսների նախարարության հայտարարության մեջ: