Երեկ երեկոյան Associated Press գործակալությունը հաղորդել է, որ ամերիկացի դերասաններ Բրեդ Փիթն ու Անջելինա Ջոլին նշանվել են: Գործակալությանն այս մասին հայտնել է Բրեդ Փիթի մենեջեր Սինտիա Փեթ-Դանթը:
Նա տեղեկացրել է, որ ամուսնության օրը դեռ որոշված չէ: «Նշանադրությունը պարզապես ապագայի վերաբերյալ պարտավորության ստանձնում է: Երեխաները շատ ուրախ են նման զարգացման համար»,- ասել է Փիթի մենեջերը:
Հիշեցնենք, որ Փիթն ու Ջոլին վերջին 7 տարիներին միասին են ապրում: Նրանք ունեն 6 երեխա, որոնցից երեքը որդեգրվել են տարբեր երկրներից:
Փիթն ու Ջոլին նախկինում հայտարարում էին, որ կամուսնանան միայն այն ժամանակ, երբ դրա իրավունքը կստանան բոլորը` ակնարկելով միասեռականների ամուսնության արգելքների վերացման անհրաժեշտությունը:
