«7 օր ու գիշեր Մերիլինի հետ» կինոնկարի ռեժիսոր Սայմոն Քերթիսը զբաղված է ծանոթությունների կայքի մասին ֆիլմի նկարահանման աշխատանքներով: Ինչպես տեղեկացնում է Variety-ին՝ նոր ֆիլմը կկոչվի «Click to Connect»:
Ֆիլմի սյուժեն ծանոթությունների կայքի և դրա օգտատերերի մասին է: Ենթադրվում է, որ ֆիլմը բաղկացած կլինի մի քանի առանձին պատմություններից: Ֆիլմի հերոսները կլինեն 20-60 տարեկան մարդիկ: Ֆիլմի սցենարը գրել է Լիզ Տուչչիլոն, որը նախկինում աշխատել է «Սեքսը մեծ քաղաքում» ֆիլմի սցենարի վրա:
Սայմոն Քերթիսը հիմնականում զբաղվել է հեռուստաֆիլմերի և սերիլաների նկարահանումներով: Մեծ էկրանում ռեժիսորի դեբյուտը դարձավ «7 օր ու գիշեր Մերիլինի հետ» կինոնկարը: Ֆիլմը, որը պատմում է Մերիլին Մոնրոյի՝ Մեծ Բրիտանաիա կատարած այցի մասին, վարձույթում է հայտնվել 2011-ի աշնանը: Ֆիլմը չի պարգևատրվել Ամերիկյան կինոակադեմիայի մրցանակով, սակայն Մոնրոյի դերակատար Միշել Ուիլյամսը լավագույն կատակերգու անվանակարգում արժանացել է Ոսկե Գլոբուսի:
