Ռուսական Интерфакс լրատվական գործակալության փոխանցմամբ՝ Իրանը հայտարարել է Գերմանիային իր նավթի մատակարարման դադարեցման մասին: Իրանական կողմն այս քայլին գնացել է ԵՄ-ի կողմից հունվարի 23-ին իր նավթի ներկրման վրա դրած բեռնարգելքի պատճառով, որն ամբողջությամբ գործելու է հուլիսի 1-ից:
Նույն պատճառով այս օրերին Իրանը կասեցրել է Հունաստանին և Իսպանիային իր նավթի մատակարարումը, իսկ ավելի վաղ դա արել էր ֆրանսիական ու բրիտանական նավթային ընկերությունների պարագայում: Նշվում է, որ հերթը մոտենում է Իտալիային:
Հիշեցնենք. Իրանի նախագահ Մահմուդ Ահմադինեժադը հայտարարել է, որ Իրանը կարող է առանց նավթ արտահանելու հանգիստ ապրել 2-3 տարի:
