Թվում է, թե կանայք այլևս չեն ձգտում ամուսնանալ հարուստ տղամարդկանց հետ, ինչը մի ժամանակ շատ տարածված էր:
Daily Mail-ը գրում է, որ նոր հետազոտությունը ցույց է տվել, որ աղջիկներն ավելի շատ ամուսնանում են իրենցից ցածր եկամուտ ունեցող տղամարդկանց հետ, քան թե փոձում գտնել հարուստ և սոցիալական բարձր դիրք ունեցող տղամարդկանց:
Հանրային քաղաքականության հետազոտական կենտրոնի ներկայացրած զեկույցի համաձայն` վերջին 40 տարում Մեծ Բրիտանիայում ամուսնական հարաբերությունների փոփոխություն է գրանցվել, որի հիմնական պատճառը կանանց առավել լավ աշխատանք ունենալն է:
Պաշտոնական տվյալները ցույց են տվել, որ 17-30 տարեկան կանանց 52 տոկոսն է ստանում բարձրագույն կրթություն, մինչդեռ տղամարդկանց միայն 42 տոկոսը: Նաև` առավել մեծ թվով կանայք վաստակում են այնքան, որ կարող են հոգ տանել ևս մեկ այլ մարդու համար:
