Հարավարևելյան Ասիայի ղեկավարները չորեքշաբթի օրը Արևմուտքի երկրներին, այդ թվում նաև` ԵՄ երկրներին, կոչ են արել անհապաղ նվազեցնել Մյանմարին ներկայացված խիստ պատժամիջոցները, քանի որ հաջող ընտրություններն ապացուցեցին, որ երկիրը ընթանում է ժողովրդավարության ուղիով:
Ինչպես հաղորդում է The Washington Post-ը, Հարավարևելյան ասիական երկրների ասոցիացիան, որն ուն ի 10 անդամ, նման կոչով հանդես է եկել Կամբոջայում տեղի ունեցած վեհաժողովից հետո, որին ներկայացված էր նաև Մյանմարը:
Կամբոջայի վարչապետն ասել է, որ առաջինը նման քայլ պետք է անի ԵՄ-ն, որը պաշտոնապես պատժել էր Մյանմարին` այդ երկրում մարդու իրավունքների ոտնահարումների համար:
