Եմենի հարավում կառավարական ուժերի կողմից հասցված օդային հարվածների հետևանքով զոհվել է «Ալ-Կաիդա»-ի 40 զինյալ: Ինչպես հաղորդում է «Ազատություն» ռադիոկայանի ռուսական ծառայությունը, վկայակոչելով այդ երկրի ռազմական գերատեսչությանը, եռօրյա օդային գործողությունների արդյունքում իրենց հաջողվել է վերահսկողություն սահմանել Լահջ մարզի Ալ-Ռահա շրջանում:
Հաղորդվում է, որ գործողությունները սկսվել են այն բանից հետո, երբ զինյալները հանգստյան օրերին գրոհել են այդ շրջանի ռազմաբազան:
Հիշեցնենք, որ ապրիլի 1-ին Եմենի Հադրամաութ մարզում պաշտպանության նախարարության շենքի վրա «Ալ-Կաիդա»-ի զինյալների հարձակումների հետևանքով զոհվել էր 7 զինծառայող: Դրա նախորդ օրը երկրի հարավում անցակետի վրա հարձակման հետևանքով զոհվել էր 417 զինծառայող:
