Միացյալ Նահանգներում 55 միլիոն ընտանիք կա: Յուրաքանչյուր ընտանիքում հնարավոր է գտնել Apple-ի առնվազն մեկ iPhone, iPad, iPod կամ Mac համակարգիչ: Այս մասին են վկայում CNBC-ի համաամերիկյան տնտեսական հարցումները: Բնակչության ¼-ը պատրաստվում է իր ունեցած համակարգչային տեխնիկան հաջորդ տարի համալրել Apple-ի ևս մեկ արտադրանքով:
Մասնագետների կարծիքով` այստեղ խոսում է բիզնես-մոդելը`որքան շատ ես օգտվում նույն ընկերության արտադրանքներից, այնքան մեծ է ցանկությունդ ձեռք բերելու ընկերության նոր արտադրանքները:
Հարցումները ցույց են տվել, որ Apple-ի հիմնական սպառողները երիտասարդ, կրթված տղամարդիկ են: Եվ սա ամենևին զարմանալի չէ, քանի որ որքան շատ գումար ունես, այնքան մեծ է ցանկությունը հետ չմնալ տեխնոլոգիական վազքից: Տարեկան 30 հազար դոլարից պակաս եկամուտ ունեցողների 28 տոկոսը ունի Apple-ի մեկ արտադրանք, իսկ տարեկան 75 հազար դոլար եկամուտ ունեցողների 77 տոկոսն ունի առնվազն երեքը: Ինչպես ցույց է տալիս ուսումնասիրությունը` ամերիկացի ծնողները միտված են երեխաներին ապահովել տեխնոլոգիական նորույթներով: Այն ընտանիքները, որտեղ երեխաներ կան, կազմում են Apple-ի սպասռողների 61 տոկոսը, մինչդեռ երեխաներ չունեցող, Apple-ից օգտվող ընտանիքները կազմում են 48 տոկոսը: Apple-ի հիմնական սպառողը ԱՄՆ-ի արևմտյան հատվածն է:
Տեխնոլոգիական վազքից հետ չեն մնում նաև քաղաքական գործիչները։ Յուրաքանչյուր կուսակցության անդամների 56 տոկոսը օգտվում է Apple-ի արտադրանքներից։ Ի դեպ, դեմոկրատների 26 տոկոսը մտադիր է առաջիկա տարում ընկերության նոր արտադրանք գնել, ինչը պատրաստվում է անել հանրապետականների 19 տոկոսը:
