ԱՄՆ նախագահի թեկնածու, հանրապետական Ռիկ Սանտորումը թողարկել է մի տեսանյութ «սարսափ» ժանրում, որով որոշել է ընտրողներին վախեցնել իր մրցակցի` դեմոկրատ Բարաք Օբամայի հաղթանակի հնարավոր հետևանքներով:
Օգտագործելով սարսափի վարպետներին բնորոշ հնարքները` տեսանյութում նկարագրվում է սարսափելի «Օբամավիլը»` այն, ինչի կվերածվի ԱՄերիկան, եթե աշնանը կայանալիք նախագահական ընտրություններիում հաղթանակի ԱՄՆ ներկայիս նախագահ Բարաք Օբաման: Այս մասին հաղորդում է Reuters-ը:
Հոլովակում նկարագրված դեպքերը տեղի են ունենում 2014 թ.: Երկինքը մթնել է, ամենուր ագռավներ են, քաղաքի փողոցներն ամայանում են, հեռուստատեսությամբ ցուցադրում են Իրանի նախագահ Մահմուդ Ահմադինեժադին: Ցուցադրվում են անպտուղ ծառեր, դատարկ փողոցներ, արագ պպտվող ժամացույցներ և այլն:
Հոլովակի վերջում հայտնվում են տողեր. «Բարի գալուստ Օբամավիլ»: Ամերիկյան ԶԼՄ-ների հաղորդմամբ` սա 8 հոլովակներից միայն առաջինն է:
Չիկագոյում Օբամայի նախընտրական շտաբում արդեն հայտարարել են, որ Սանտորումը պարզապես փորձում է վախեցնել ամերիկացիներին: Սակայն նախագահի կողմնակիցներին վրդովել է այն, որ Օբաման ներկայացվում է որպես Ահմադինեժադ:
Իր հերթին, Դեմոկրատական կուսակցության ազգային կոմիտեն իր կայքում հայտարարել է, որ հանրապեականներն «ավելի ցածր են իջել»:
