ԱՄՆ-ի կողմից ասիա-խաղաղօվկիանոսյան տարածաշրջանում հակահրթիռային պաշտպանության (ՀՀՊ) համակարգեր տեղադրելու ծրագրի համար պատճառ է հանդիսացել Հյուսիսային Կորեայից սպառանցող վտանգը: Ինչպես հաղորդում է ITAR-TASS-ը, այսպիսի հայտարարություն է արել Պենտագոնի ղեկավարի՝ Ասիայի և Խաղաղ օվկիանոսի հարցերով ժամանակավոր օգնական Փիլթեր Լևոյը՝ ելույթ ունենալով ԱՄՆ Կոնգրեսի Ներկայացուցիչների պալատի զինված ուժերի հարցերով կոմիտեի լսումներին:
Նրա խոսքերով՝ ԱՄՆ ներկա վարչակազմը հետևողական է այդ տարածաշրջանում ՀՀՊ համակարգեր տեղադրելլու ծրագրին:
Լևոյը նաև կտրականապես հերքել է այն ենթադրությունները, որ ՀՀՊ հարցում ինչ-որ գաղտնի գործարք է կնքվել Ռուսատսանի և ԱՄՆ-ի միջև: «Ես ոչ մի գաղտնի գործարքի մասին տեղյակ չեմ»,- ասել է նա՝ նշելով, որ նման ծրագիր չկա նաև հետագայի համար:
ԱՄՆ-ի կողմից ասիա-խաղաղօվկիանոսյան տարածաշրջանում ՀՀՊ համակարգեր տեղադրելու հայտարարությունն արդեն հաստատել է ԱՄՆ պաշտպանության նախարարի գլոբալ ռազմավարական հարցերով օգնական Մադլեն Կրիդոնը: Վերջինիս խոսքերով՝ այդ հարցում ԱՄՆ-ը համագործակցելու է Ավստրալիայի, Կորեայի Հանրապետության և Ճապոնիայի հետ:
