Ֆիլադելֆիայում սկսվել է երկու կաթոլիկ հոգևորականների դեմ հարուցված դատական գործի քննությունը: Նրանցից առաջինը` Ջեյմս Բրենան, մեղադրվում է փոքրահասակ երեխաներին պղծելու, մյուսը` Վիլյամ Լինը, հանցագործ պեդոֆիլ-հոգևորականի արարքները` թաքցնելու մեջ:
Ինչպես հաղորդում է «Ազատություն» ռադիոկայանը, գործընթացի կենտրոնում 60-ամյա Վիլյամ Լին է: 1992-2004 թթ. նա զբաղվել է իր հոգևորականների նշանակմամբ և, ընդ որում, նրանց տեղափոխել է մի եկեղեցուց այլ եկեղեցի, երբ բողոքներ են եղել այն մասին, որ իրենց երեխաների նկատմամբ ոտնձգություններ են կատարվել:
Փաստաբան Միտչել Գարաբիդիանի խոսքով` դա պատմական դատական գործընթաց է: «Առաջին անգամ ԱՄՆ-ում պատասխանատվության է ենթարկվում ոչ միայն անձամբ պեդոֆիլ հոգևորականը, այլև նրա ղեկավարը, որը աչք է փակել իր ենթակայի գործողությունների վրա»,- ասել է նա:
Պաշտպանող կողմը հերքում է իր պաշտպանյալներին առաջադրված մեղադրանքները` հղում անելով այն բանին, որ վերջիններս եղել են թմրամոլներ և հաշվառված են եղել ոստիկանությունում: Այս վարկածին հարված է հասցրել երրորդ հոգևորականը, որը անցնում էր այդ գործով. օրերս Էդվարդ Էվերին իրեն մեղավոր է ճանաչել երեխա բռնաբարելու մեջ: Էվերիին հասնում է 2.5-5 տարվա ազատազրկում:
Փաստաբանները կարծում են, որ դատարանի մեղադրական եզրակացության դեպքում Վիլյամ Լիին կհասնի մինչև 28 տարվա ազատազրկում:
