Ժողովրդական կուսակցության ղեկավար Տիգրան Կարապետյանի Գյումրիի հանրահավաքը չափազանց հետաքրքիր մթնոլորտում է անցել: Գյումրիի մեր աղբյուրները տեղեկացնում են, որ հանրահավաքից մի քանի օր առաջ քաղաքում թռուցիկներ են բաժանվել, որտեղ նշված է եղել հանրահավաքի անցկացման օրը, տեղը, ժամը և վայրը: Իսկ թռուցիկի վերջում գրված է եղել. «Հանրահավաքի վերջում կբաժանվեն DVD-ներ և հեռուստացույցներ»:
Նկատենք, որ այս հնարքի միջոցով բավականին ժողովուրդ է հավաքվել Կարապետյանի հանրահավաքին, սակայն երբ ժողովուրդը հասկացել է, որ հեռուստացույցներ և DVD-ներ չեն բաժանվելու, հանրահավաքի կեսից հեռացել է:
Ի դեպ, «Ո՛չ իշխանություններին» կարգախոսով հանդես եկող Տիգրան Կարապետյանն իր հանրահավաքի ժամանակ գոնե մեկ անգամ չի քննադատել Սերժ Սարգսյանին, փոխարենը անընդհատ խոսել ու մեղադրել է ՀՀ առաջին նախագահ Լևոն Տեր-Պետրոսյանին: Իսկ երբ գյումրեցիներից մեկը հարթակ է բարձրացել և Սերժ Սարգսյանի հասցեին քննադատական խոսք է ասել, նրա ձեռքից բարձրախոսը վերցրել են:
