Անգլիական մամուլի տեղեկացմամբ Ֆրանսիայի ազգային հավաքականի գլխավոր մարզիչ Լորան Բլանը հաջորդ մրցաշրջանում «Չելսի»-ն գլխավորելու հիմնական թեկնածուն է:
«Չելսի»-ի սեփականատեր Ռոման Աբրամովիչը ֆրանսիացի մասնագետին կհրավիրի այն դեպքում, եթե մյուս երկու թեկնածուները՝ Պեպ Գվարդիոլան և Ժոզե Մոուրինյոն, հրաժարվեն անգլիական ակումբը գլխավորելու առաջարկից: Հնարավոր թեկնածուների թվում են նաև Սանկտ-Պետերբուրգի «Զենիթ»-ի գլխավոր մարզիչ Լուչիանո Սպալետտին և «Մարսել»-ը գլխավորող Դիդյե Դեշամը: Սակայն The Times-ի հաղորդմամբ Լորան Բլանի անունն առաջինն է Աբրամովիչի ցուցակում:
Հիշեցնենք, որ Բլանի՝ Ֆրանսիայի ֆուտբոլի ֆեդերացիայի հետ կնքած ներկայիս պայմանագրի ժամկետը լրանում է «Եվրո-2012»-ից անմիջապես հետո: Գործող պայմանագրի ժամկետի երկարաձգումը գրեթե անհավանական է ֆրանսիացի մասնագետի և ՖՖՖ-ի միջև եղած տարաձայնությունների պատճառով:
Նշենք, որ 46-ամյա մարզչի ծառայություններով հետաքրքրվում է նաև «Ինտեր»-ի ղեկավարությունը:
