«Եթե ՀՀ-ում մայիսի 6-ին ընդառաջ՝ ընտրական գործընթացները զարգանան Ընտրական օրենսգրքի տառին և ոգուն համապատասխան, ՀԱԿ-ը Ազգային ժողովում բացարձակ մեծամասնություն կկազմի»,- այսօր լրագրողների հետ հանդիպմանը վստահեցրեց Հայ ազգային կոնգրեսի իրավական ծառայության համակարգող Գագիկ Ջհանգիրյանը:
Լրագրողներից մեկի հարցին` ինչո՞ւ ինքն այս ընտրություններին մեծամասնականով չառաջադրվեց, Գ. Ջհանգիրյանը պատասխանեց. «Ես երբեք չեմ ասել, որ մեծամասնականով առաջադրվելու եմ, որ հիմա էլ հարցնում եք` որն է չառաջադրվելուս պատճառը: Ես մեծամասնականով չեմ առաջադրվել, առաջադրվել է իմ եղբայրը»:
Հարցին` ինչպե՞ս է գնահատում ԿԸՀ կուսակցությունների ներկայացրած ցուցակները, և ԱԺ անցնելու ինչ հնարավորություններ ունեն նրանք, Հայ ազգային կոնգրեսի ներկայացուցիչը պատասխանեց. «Ցավոք կամ բարեբախտաբար, սոցիոլոգ Ահարոն Ադիբեկյանը չեմ, որ գուշակեմ»:
