Բրիտանական թագուհու մերձավոր բարեկամները կմիանան հունիսի 5-ին Լոնդոնի կենտրոնում Եղիսաբեթ 2-րդի կառավարման 60-ամյակի տոնակատարության շրջանակներում կազմակերպված կառքերի շարասյանը:
Շքահանդեսը դառնալու է մեծ, չորսօրյա տոնակատարության մի մասը, իսկ գլխավոր անակնկալը հազարավոր նավերից բաղկացած նավատորմի անցնելն է Թեմզա գետի վրայով:
Թագավորական ընտանիքի առավոտը սկսվելու է տոնական պատարագով՝ Սուրբ Պողոսի տաճարում: Դրանից հետո թագուհին ներկա է գտնվելու 700 հյուրերի համար նախատեսված տոնական ճաշին՝ Վեսթմիստրյան աբբայության հին դահլիճում, ինչից հետո թագուհին իր ամուսնու` Էդինբուրգի դուքսի հետ բաց մեքենայով կանցնի կառավարական շենքերի փողոցներով: Հենց այն նույն բաց մեքենայով, որով արքայազն Ուիլյամը և Քեյթ Միդլթոնը վերադառնում էին պսակադրությունից։
Քեմբրիջի դուքսը և դքսուհին ևս կմիանան շքահանդեսին, դա նրանց առաջին կառքով շրջագայությունն է ամուսնությունից հետո: Մյուս կառքերում նրանց հետևելու են թագուհու որդին` արքայազն Չարլզը Կորնուոլի դքսուհի Քամիլլայի հետ և արքայազն Հարին:
Շարասյունն ուղեկցելու է Household Cavalry Mounted Regiment հեծելազորը, որի հանդերձանքի մեջ ասպետական զենքերի տարրեր են լինելու:
Դրանից հետո տեղի կունենա ավանդական դուրս գալը Բուքինհեմյան պալատի պատշգամբ, որտեղից թագուհին և թագավորական ընտանիքի անդամները ողջունելու են հանդիսատեսին և հետևելու են Լոնդոնի վրայով թագավորական ավիացիայի թռիչքին:
