«Կուբան»-ի և Հայաստանի ազգային հավաքականի կիսապաշտպան Մարկոս Պիզելլին հարցազրույց է տվել ակումբի պաշտոնական կայքին:
-Ռուս երկրպագուներին Դուք ավելի շատ հայտնի եք «Եվրո-2012»-ի ընտրական փուլի ժամանակ Հայաստանի ընտրանու կազմում Ռուսաստանի ազգային հավաքականի դարպասը խփած գոլով:
-Այո: Այդ գոլը շատ կարևոր մեր հավաքականի համար: Հայասատնի ընտրանին աստիճանաբար ավելի ուժեղ է դառնում, քանի որ մենք հոգեբանորեն ավելի կայուն ենք դարձել, զգացել ենք, որ շատ բանի կարող ենք հասնել: Հուսով եմ, որ 2014 թվականի աշխարհի առաջնության ընտրական փուլում հայկական ֆուտբոլի պատմության մեջ առաջին անգամ կկարողանանք այդ խոշոր մրցաշարի եզրափակիչ փուլին մասնակցելու ուղեգրի ձեռք բերել:
-Չմոռանանք նշել, որ աշխարհի գավաթի խաղարկությունն անցկացվելու է Ձեր հայրենիքում՝ Բրազիլիայում….
– Ինձ համար ավելի կարևոր է, որ դա կարող է իմ նոր հայրենիքի՝ Հայաստանի ֆուտբոլի պատմության մեջ ամենամեծ հաջողությունը դառնալ:
-Դուք հարձակվողական ոճի կիսապաշտպան եք: Հետաքրքիր է՝ ու՞մ եք համարում նույն դիրքում հանդես եկող աշախարհի լավագույն ֆուտբոլիստ:
-Զինեդին Զիդանին:
-Զգու՞մ եք, որ կարող եք կարևոր դեր խաղալ «Կուբան»-ի կազմում:
– Անկասկած: Թիմի գլխավոր մարզիչ Դան Պետրեսկուն լավ է բացատրում, թե ինչ է ցանկանում ստանալ ֆուտբոլիստից: Կարծում եմ՝ հասկացել եմ, թե ինչպիսի խաղ պետք է ցուցադրեմ, որպեսզի առավելագույնս օգտակար լինեմ «Կուբան»-ին: Ընդհանրապես, կարծում եմ, որ Ռուսաստանի առաջնությունը Եվրոպայի ուժեղագույն առաջնություններից է: «Կուբան»-ը եվրագավաթներում հանդես գալու իրական հնարավորություններ ունի: Մենք ունենք հիանալի մարզիչ, փորձառու խաղացողներ և, իհարկե, երկրպագուների հզոր ու հավատարիմ բանակ. այս ամենը չի կարող չոգևորել:
Հիշեցնենք, որ 27-ամյա Պիզելլին, առաջին անգամ խաղադաշտ դուրս գալով «Կուբան»-ի կազմում, Ռուսաստանի առաջնության 35-րդ տուրի շրջանակներում «Ռուբին»-ի հետ կայացած հանդիպաման ժամանակ խփեց իր թիմի հաղթական գոլը: