«Արտաշես Գեղամյանը, Հայկ Բաբուխանյանը և Խոսրով Հարությունյանը ցանկություն են հայտնել ՀՀԿ-ի հետ շարունակել իրենց քաղաքական ուղին»,- այսօր լրագրողների հետ հանդիպմանը հայտնեց ՀՀԿ փոխնախագահ Ռազմիկ Զոհրաբյանը: Նա նշեց, որ դա պայմանավորված է նրանց՝ հզոր Հայաստան ունենալու ցանկությամբ:
Ըստ բանախոսի` քաղաքական դաշտում պետք է ուժերի խոշորացում լինի, ինչպես ԲՀԿ-ի, ՀՀԿ-ի, ՀԱԿ-ի դեպքում է: «Որոշ ժամանակ անց կլինեն մի քանի հզոր կուսակցություններ, որոնք կկարողանան հարցեր լուծել»,- կարծիք հայտնեց ՀՀԿ փոխնախագահը:
Անդրադառնալով ԲՀԿ համագումարում հնչած ելույթներին` ՀՀԿ փոխնախագահն ասաց. «Կարծում եմ՝ դրանք ինքնաքննադատություններ էին, ինչը բարձր եմ գնահատում։ ՀՀԿ-ն ևս զերծ չի մնացել ինքնաքննադատությունից»:
