Բրազիլացի լեգենդար ֆուտբոլիստ Ռոմարիոն, ով այժմ Բրազիլիայի ազգային կոնգրեսի պատգամավոր է, հայտարարել է, որ 2014 թվականին Բրազիլիայում կայանալիք աշխարհի առաջնության կազմակերպումը երկրի պատմության մեջ բյուջետային միջոցների ամենախոշոր հափշտակման միջոց է: Ռոմարիոն հայտարարել է, որ Բրազիլիայի նախագահ Դիլմա Ռուսեֆը չի հասկանում իրավիճակի լրջությունը, և առաջնությունը չի դառնա լավագույնը ֆուտբոլի պատմության մեջ:
Թվով 20-րդ ֆուտբոլի աշխարհի առաջնության եզրափակիչ փուլը կանցկացվի Բրազիլիայում` 2014 թվականի հունիսի 12-ից հուլիսի 13-ը, և երկիրը կդառնա 5-րդը` Մեքսիկայից, Իտալիայից, Ֆրանսիայից և Գերմանիայից հետո, որը երկրորդ անգամ կանցկացնի Մունդիալը: Բրազիլիայում աշխարհի առաջնությունն առաջին անգամ անց է կացվել 1950 թվականին:
