Ոստիկանությունն այսօր Ռուսաստանում ձերբակալել է տասնյակ ցուցարարների, ովքեր ցույցի էին դուրս եկել Մոսկվայի հեռուստատեսային հայտնի աշտարակի մոտ՝ բողոքելով НТВ հեռուստաալիքով հեռարձակված այն հաղորդման դեմ, որում ցուցադրել են, որ մարդկանց վճարել են Վլադիմիր Պուտինի դեմ ցույցերին մասնակցելու համար:
AFP–ի թղթակիցը տեսել է, թե ինչպես են ցույցի վայրից հեռացրել կազմակերպիչներ Բորիս Նեմցովին, Սերգեյ Ուդալցովին և ևս 30 ցուցարարների:
Ցույցին մասնակցել է գրեթե 500 հոգի, ովքեր բղավել են .«Ամոթ НТВ–ին» և «Ռուսաստանն առանց Պուտինի» կարգախոսները։ Ոստիկանությունը փորձել է պաշտպանել երկրի հեռուստատեսային կենտրոնի դռները:
