ԱՄՆ-ում և Եվրամիությունում տնտեսական ճգնաժամը կարծես թե նահանջում է, բայց տարբեր երկրների պետական պարտքի մեծ չափերը և էներգառեսուրսների գնի աճը շարունակում են մնալ ճգնաժամի գլխավոր ռիսկերից մեկը: Այս կարծիքն է հայտնել Միջազգային արժույթի հիմնադրամի ղեկավար Քրիստին Լագարդը` ելույթ ունենալով Պեկինում:
«Համաշարհային ճգնաժամը վերականգնման ճանապարհին է, բայց սխալվելու իրավունք չկա»,- ասել է նա:
Նա, որպես միջազգային ճիշտ ընտրված քաղաքականության ապացույց, մատնանշել է ԱՄՆ-ի մակրոտնտեսական ցուցանիշի բարելավումը և Եվրոպայի պայքարը հունական ճգնաժամի դեմ:
«Շնոհիվ միասնական գործողությունների համաշխարհային տնտեսությունը հետ է կանգնել անդունդի եզրից, և հիմա լավատես լինելու հնարավոություն ունենք։ Բայց լավատեսությունն անվտանգության սխալ զգացողության չպետք է բերի: Առաջվա նման գոյություն ունեն մեծածավալ ֆինանսական և տնտեսական մարտահրավերներ, որոնցից մենք պետք է գլուխ հանենք»,- նշել է Լագարդը։
Նա դիմել է զարգացած երկրներին` կոչ անելով շարունակել հարկային հավասարակշիռ քաղաքականությունը և ֆինանսական համակարգի ռեֆորմները:
Նրա կարծիքով՝ զարգացած տերություննեը պետք է պահպանեն իրենց տնտեսությունների աճի տեմպերը, սակայն չպետք է թույլ տան տնտեսության «թեժացում»:
