Հետախուզման դաշնային բյուրոյի նախկին տնօրենի, ինչպես նաև շտաբի ղեկավարների միացյալ հանձնաժողովի հանդեպ հետաքննություն է իրականացվում՝ կապած այն փաստի հետ, որ նրանք գումար են ստացել իրանական զինված կազմակերպությունից: Այս մասին հաղորդում է MSNBC–ը՝ հղում անելով անհայտ աղբյուրին:
Լուիզ Ֆրիհը, ով 1993-2001 թվականներին ղեկավարել է Հետախուզման դաշնային բյուրոն, և Հյու Շելթոնը, ով 1997-2001 թվականներին զբաղեցրել է շտաբի ղեկավարների միացյալ հանձնաժողովի ղեկավարի պաշտոնը, կասկածվում են Իրանի «Մոջահեդին» խբբավորումից գումարներ ստանալու մեջ: ԱՄՆ-ն այդ կազմակերպությունը ահաբեկչական է համարում:
Ֆրիհը և Շելթոնը տարբեր համաժողովներում կոչ են արել իրանական այդ կազմակերպությունը հանել ահաբեկչական կառույցների ցուցակից:
Հետաքննությունն անցկացնում է ԱՄՆ-ի ֆինանսների նախարարությունը:
Իրանի ազգային մոջահեդին ահաբեկչական կառույցների ցուցակից հանելու օգտին անցկացվող քարոզին մասնակցել են ամերիկացի 40 նախկին բարձրաստիճան պաշտոնյաներ: Նրանցից շատերը յուրաքանչյուր ելույթի համար ստացել են մոտ 30 հազար դոլար: Նախկին պաշտոնյաները վստահեցնում են, որ իրենց ասել են, թե այդ գումարները տալիս են խմբավորման կողմնակիցները, այլ ոչ թե հենց ինքը` խմբավորումը:
«Մոջահեդին» ձգտում է տապալել Իրանի ներկայիս վարչակարգը: Ավելի վաղ MSNBC հեռուստաալիքը հայտնել էր, որ իրանական այդ կազմակերպության գրոհայիններն իրենց մասնակցությունն են ունեցել Իրանի միջուկային ծրագրի վրա աշխատող իրանական գիտնականների սպանությունների մեջ, ինչը խմբավորումը հերքել էր:
Եվրամիությունն Իրանի «Մոջահեդին»–ին 2009 թվականին հանել է ահաբեկչական կազմակերպությունների ցուցակից: