Այսօր Mazda-ն հայտարարել է, որ փետրվարի 16-ից Ճապոնիայում ստացել է նոր CX-5-ի ավելի քան 8 հազար պատվեր:
Կա՛մ ճապոնական ապրանքանիշն է շատ կոնսերվատիվ եղել իր ծրագրերում, կա՛մ տեղի բնակիչներն են շատ հավանել նրա նոր ստեղծագործությունը, ամեն դեպքում՝ այս ցուցանիշը 8 անգամ գերազանցում է ամսական վաճառքի նախնական կանխատեսումը:
Ըստ Carscoop պորտալի՝ այս ամենը տարօրինակ է, քանի որ ավտոմեքենան շարժման մեջ փորձարկել կարելի կլինի միայն մարտի 31-ից հետո:
«Մեր ընկերությունը շատ շնորհակալ է հաճախորդներին CX-5 հավանության արժանացնելու համար: Ես համոզված եմ, որ մենք կգերազանցենք զանգվածային վաճառքի մեր նպատակը՝ տարեկան 160 հազար: CX-5-ը կդառնա մեր հիմնական մոդելներից մեկը՝ Axela-ի (Mazda3), Atenza-ի (Mazda6) և Demio-ի (Mazda2) հետ միասին»,- ասել է Mazda-ի գլխավոր տնօրեն Տակաշի Յամանուչին:
