Թուրքիայի ռադիոյի և հեռուստատեսության բարձրագույն խորհուրդը նախազգուշացրել է «Շոու-TV» մասնավոր հեռուստաընկերությանը Օսմանյան սուլթան Սուլեյման Հոյակապի կյանքին նվիրված սերիալի ցուցադրության համար՝ ակնարկելով, որ կարող է արգելել նրա հեռարձակումը, եթե այսուհետ ևս սերիալում ցուցադրվեն թուրքերի ազգային և հոգևոր արժեքները վիրավորող տեսարանները: «Հոյակապ դարաշրջան» սերիալի սյուժեի առանցքում Օսմանյան կայսրության ծաղկման շրջանի (16-րդ դար) տիրակալ Սուլեյման Հոյակապի կյանքի պատմությունն է: «Արդարություն և զարգացում» կուսակցության որոշ ներկայացուցիչներ պատմությունը խեղաթյուրելու և հավատացյալների զգացմունքները վիրավորելու մեջ են մեղադրել ֆիլմի հեղինակներին, որոնք Սուլեյմանին ներկայացրել են` թաթախված մարդկային արատների մեջ: