«Լյուքս» դասի միջազգային հյուրանոցային ցանցից Ritz-Carlton Hotel-ը Բաթումում 250 մլն դոլարանոց հյուրանոց է կառուցելու: Այս մասին հաղորդում է http://www.apsny.ge -ն: Հյուրանոցի կառուցման համաձայնագիրը կնքվել է Վրաստանի կառավարության և Ritz-Carlton Hotel Company-ի միջև: Ըստ այդ համաձայնագրի` հյուրանոցի շինարարական աշխատանքները սկսվելու են ոչ ուշ, քան այս տարվա մայիսի 1-ից և ավարտվելու են 2015 թվականին: Շինարարական աշխատանքները կիրականացնի վրաց-թուքական B&G Georgia ընկերությունը: Բաթումի այս նոր հյուրանոցը կզբաղեցնի 9 հազար 805 քառ. մ. տարածք` հենց Սև ծովի ափին, կունենա առնվազն 350 համարներ, ինչպես նաև զվարճանքի կենտրոն, խաղատուն (կազինո) և խանութներ: Նշենք, որ Բաթումում արդեն գործում են հյուրանոցային այնպիսի բրենդներ, ինչպիսիք են Sheraton-ը, Radisson-ը և Kempinski-ին: