ԱՄՆ-ը չի հրաժարվի Լեհաստանի տարածքում ՀՀՊ կանխազարկ հրթիռներ և ռազմաօդային ուժերի բազաներ տեղադրելու իր մտադրությունից: Այսպիսի հայտարարություն է արել ԱՄՆ պետքարտուղար Հիլարի Քլինթոնը Լեհաստանի արտգործնախարար Ռադոսլավ Սիկորսկու հետ հանդիպմանը,- հաղորդում է RIA Novosti-ն:
«Մենք համաձայնության ենք եկել, որպեսզի Լեհաստանի տարածքում տեղադրվելիք նոր կանխազարկ հրթիռները, ինչպես նաև ԱՄՆ ռազմաօդային ուժերի նոր ստորաբաժանումները… դառնան մեր համատեղ անվտանգութան ապահովման հարցում պարտականությունների հիմնական դրույթներ»,- ասել է Քլինթոնը բանացկություններից հետո տված մամուլի ասուլիսում:
Հակահրթիռային պաշտպանություն ստեղծելու ԱՄՆ ծրագրերը ռուս-ամերիկյան հարաբերությունների հիմնական խնդիրներից են:
Այժմ ԱՄՆ ունի ՀՀՊ երկու ռազմավարական շրջան իր տարածքում՝ Ալյասկայում և Կալիֆոռնիայում: Ռուսաստանն ունի ՀՀՊ մեկ ռազմավարական շրջան Մոսկվայում: Այժմ ԱՄՆ-ն փորձում է ստեղծել այսպես կոչված՝ երրորդ ՀՀՊ շրջանը Եվրոպայում: Մոսկվայի կարծիքով՝ դա կարող է փոխել ուժերի հավասարակշռությունը տարածաշրջանում: