ԱՄՆ-ում էլեկտրոնային լրատվամիջոցները շատ ավելի շահութաբեր են գովազդի տեղադրման եկամուտով, քան տպագիրները: Այդ մասին ասվում է Project for Excellence in Journalism-ի (PEJ)՝ Pew Research Center ամերիկյան կազմակերպության մասնաճյուղի ուսումնասիրության մեջ:
PEJ-ի վերլուծաբանները հարցում են կատարել 121 ԶԼՄ-ներ միացնող 6 կազմակերպությունների ղեկավարների հետ: Նրանցից մի քանիսը մանրամասն տեղեկություններ են տրամադրել ֆինանսական գործունեության վերաբերյալ: Ընդհանուր առմամբ, թերթի աշխատած յուրաքանչյուր 11 դոլարը համապատասխանում է օնլայն ԶԼՄ-ի 1 դոլար շահույթին:
Այնուամենայնիվ, թվային լրատվամիջոցների գովազդային վաճառքը անցյալ տարվա համեմատ աճել է 19 տոկոսով, իսկ տպագիրներինը` ընկել 9 տոկոսով:
Մեկ տարի առաջ PEJ-ը հրապարակել է վերլուծական զեկույց՝ «Իրավիճակը մամուլում», որը ներկայացնում է որոշ միտումներ թվային ԶԼՄ-ների զարգացման համար:
Բացի այդ, PEJ-ը անցյալ տարվա հաշվետվության մեջ ներկայացրել է այլ տվյալներ ևս թվային ԶԼՄ-ների՝ տպագիրներին գերազանցելու վերաբերյալ:
Այսպիսով, օրինակ՝ 2010 թ. օնլայն նորությունների ընթերցումը գերազանցել է թերթի ընթերցմանը: