«Պորտու»-ի բրազիլացի հարձակվող Հալկը A Bola-ին տված հարցազրույցում խոստովանել է, որ չի հրաժարվի իսպանական գրանդերից որևէ մեկի` «Ռեալ»-ի կամ «Բարսելոնա»-ի առաջարկից և կտեղափոխվի Պիրենեյան թերակղզի.
«Ինձ լավ են զգում «Պորտու»-ում, բայց ո՞վ չէր ցանկանա խաղալ «Բարսելոնա»-ում կամ «Ռեալ»-ում: Համապատասխան առաջարկի դեպքում կտեղափոխվեմ այդ թիմերից որևէ մեկը»:
Հալկը նաև խոստովանել է, որ 2008 թվականին, երբ լքում էր «Տոկիո Վերդե»-ն, կարող էր հայտնվել իսպանական ֆուտբոլում: Այդ ժամանակ հարձակվողն առաջարկ էր ստացել «Ատլետիկո»-ից, սակայն ընտրեց «Պորտու»-ն, որտեղ, իր կարծիքով, ավելի արագ կհարմարվեր թիմի խաղաոճին:
