Եվրոպական կենտրոնական բանկի (ԵԿԲ) նախագահ Մարիո Դրագին զգուշացրել է պարտքային ճգնաժամի ֆոնին եվրոպական տնտեսությանը սպառնացող վտանգների մասին, բայց ընդհանուր առմամբ Եվրոպայում դրության զարգացումը դրական է գնահատել: «Այժմ դեպքերի դասավորությունը տարածաշրջանում զգալիորեն ավելի լավ է, քան անցյալ տարվա նոյեմբերին»,- ասել է Դրագին Բրյուսելում տեղի ունեցած ԵՄ գագաթնաժողովին:
Ինչպես հաղորդում է Reuters գործակալությունը, նրա խոսքերով՝ եվրոգոտու երկրները պետք է շարունակեն կոշտ տնտեսական քաղաքականությունը, որը ԵԿԲ օգնության հետ հնարավորություն կտա հաղթահարել ճգնաժամը:
Դրագին նշել է, որ Եվրոպան այժմ որոշիչ փուլում է, երբ տարածաշրջանը փորձում է վերականգնել կայուն տնտեսական աճ, չնայած ռեկորդային չափերի հասնող գործազրկությանը, արդյունաբերական սեկտորի թուլացմանը և աճող ինֆլյացիայի տեմպերին:
