News Georgia-ի փոխանցմամբ` Վրաստանը պետք է իրեն դրսևորի որպես քաղաքակիրթ պետություն, ինչի համար էլ նպատակահարմար է համարում Ռուսաստանի հետ վարել բաց քաղաքականություն: Այս մասին երեկ հայտարարել է Վրաստանի փոխարտգործնախարար Նինո Կալանդաձեն՝ մեկնաբանելով Ռուսաստանի հետ գործող վիզային ռեժիմի չեղյալ հայտարարումը.
«Մենք պետք է մեզ այնպես պահենք, ինչպես որ քաղաքակիրթ աշխարհի պարագայում է: Չնայած Վրաստանի նկատմամբ Կրեմլի վարած ներկայիս քաղաքականությանը՝ մենք նպատակահարմար ենք համարում բաց քաղաքականություն վարել նրա և մասնավորապես այն անձանց նկատմամբ, ովքեր շահագրգռված են Վրաստան այցելելու մեջ»:
Հիշեցնենք, որ Սաակաշվիլիի վերոնշյալ հրամանն ուժի մեջ է մտել չորեքշաբթի: Ըստ դրա՝ այսուհետ Ռուսաստանի քաղաքացիներից չի պահանջվում վիզա Վրաստան մուտք գործելու և 90 օրով այդ երկրում մնալու համար:
