Լևոն Տեր-Պետրոսյանը ծնվել է 1945թ., Հալեպում: 1946-ին ներգաղթել է Հայաստան: 1968-ին ավարտել է ԵՊՀ արեւելագիտության բաժինը, 1971-ին` Լենինգրադի արևելագիտության ինստիտուտի ասպիրանտուրան, որտեղ 1972-ին պաշտպանել է թեկնածուական, 1987-ին` դոկտորական ատենագրություն: Քաղաքական գործունեությունը սկսել է 1960-ականներից: 1988-ի փետրվարից ղեկավարել է Մատենադարանի «Ղարաբաղ» կոմիտեն, մայիսից` ընդգրկվել Ղարաբաղյան շարժման Հայաստանի կոմիտեի կազմում: 1991թ. հոկտեմբերի 16-ին ընտրվել է Հայաստանի Հանրապետության առաջին Նախագահ: Նրան հաջողվեց ոչ միայն ազատագրել Արցախը` նրա շուրջ ստեղծելով անվտանգության հսկայական գոտի, այլեւ այդ ընթացքում միջազգային հանրության մեջ Հայաստանի համար ապահովել «տարածաշրջանի ժողովրդավարության կղզյակ» համարումը` երկիրը զերծ պահելով քաղաքացիական կռիվներից ու լայնածավալ ահաբեկչությունից: Նույն մտահոգությամբ Լևոն Տեր-Պետրոսյանը հրաժարական տվեց 1998թ. փետրվարին:
