Քրիս Բրաունն ու Ռիհաննան կրկին միասին են, բայց միայն երաժշտական աշխարհում:
Associated press-ը հաղորդում է, որ երկու երգիչների նոր երգերը համացանցում են հայտնվել երկուշաբթի օրը: Բրաունը երգում է Ռիհաննայի Birthday Cake երգի ռեմիքս տարբերակում, մինչդեռ Ռիհաննան հայտնվել է երգչի Turn Up the Music արդեն հիթ դարձած երգի ռեմքիս տարբերակում:
Բրաունն իր երգի նոր տարբերակի մասին իր երկրպագուներին հայտնել էր երկուշաբթի օրը՝ Twitter սոցիալական ցանցի իր էջում: Նույն քայլին դիմել էր նաև Ռիհաննան:
Երգիչներն առաջին անգամ համագործակցել էին 2007 թվականին: Հիշեցնենք, որ Բրաունը 2009 թ. «Գրեմմի» մրցանակաբաշխությունից առաջ տեղի ունեցած հավաքույթի ժամանակ հարձակվել էր Ռիհաննայի վրա, ով այն ժամանակ իր զուգընկերուհին էր:
