Նավթային առևտրով զբաղվող աշխարհում առաջատար Vitol ընկերութունն այսօր ասել է, որ նավթի գների բարձրացումը մինչև մեկ բարելի համար 120 դոլար ավելի քան փոխհատուցել է նավթային առևտրի հետ կապված Իրանի կորուստները, որոնք առաջացել էին Արևմուտքի կողմից ներկայացված պատժամիջոցների պատճառով:
Associated Press-ը հաղորդում է, որ Vitol-ի գլխավոր գործադիր տնօրեն Յան Թեյլորն ասել է, որ իրանցիներն այժմ ցանկանում են, որ նավթի գները որքան հնարավոր է բարձր լինեն, քանի որ իրենք պատրաստվում են շատ քիչ նավթ վաճառել: Նա նաև ասել է, որ կարծում է, թե թվերի վրա հիմնվելով՝ Իրանը գրեթե հաղթում է:
Հիշեցնենք, որ ԱՄՆ-ը և Եվրոպան խիստ պատժամիջոցներ էին ներկայացրել Իրանին վերջին մի քանի ամիսների ընթացքում` այդ կերպ փորձելով պատժել երկրին միջուկային զենք ստեղծելու մտադրություն ունենալու համար: