Թեև պաշտոնապես 2009 թ. ՀՀ-ում միջին աշխատավարձը կազմել է մոտ 102 հազար դրամ, սակայն Ազգային վիճակագրական ծառայության իրականացրած հարցումների արդյունքում ստացված տվյալների համաձայն, զբաղվածների դրամական եկամուտները 2009 թ. ընթացքում կազմել են ամսական միջինը մոտ 65 հազար դրամ: Սա երևում է ԱՎԾ-ի վերջերս հրապարակած «Աշխատանքի շուկան ՀՀ-ում, 2005-2009» զեկույցից: Ընդ որում, եկամուտների մեջ ներառվել են ինչպես վարձու աշխատողների աշխատավարձը, այնպես էլ ինքնուրույն տնտեսական գործունեություն իրականացնողների աշխատանքային եկամուտները: Ավելին, եկամուտները ներառել են աշխատողների թե՛ հիմնական, թե՛ երկրորդ (լրացուցիչ) զբաղվածությունից ստացած աշխատանքային զուտ եկամուտները: Այսինքն` տրամաբանական կլիներ, եթե զբաղվածների դրամական եկամուտը էականորեն ավելի մեծ լիներ, ոչ թե փոքր: Այս հակասությունը մի քանի բացատրություն կարող է ունենալ` հարցվածները դիտավորյալ ավելի քիչ եկամուտ են նշել, սակայն իրականում նրանց դրամական եկամուտները շատ ավելի մեծ են, կամ էլ հարցվածների մեջ պատահաբար շատ քիչ են եղել բարձր եկամուտ ունեցողները…