Ամերիկացիների մեծ մասը ԱՄՆ վերջին 8 նախագահների ցուցակում ամենաականավորն է համարում Ռոնալդ Ռեյգանին և Բիլ Քլինթոնին: Այս մասին վկայում են Gallup սոցիալական հետազոտությունների կենտրոնի անցկացրած հարցման տվյալները:
Ռեյգանին ամենաականավոր կամ «միջինից բարձր» նախագահ է համարում ամերիկացիների 69%-ը, Քլինթոնին՝ 60%-ը:
Ամենացածր ցուցանիշ ունեն Ռիչարդ Նիքսոնը (14%) և Ջերալդ Ֆորդը (21%): Ցուցակի ստորին հորիզոնականներում են նաև Ջորջ Բուշ Կրտսերը և Ջիմի Քարթերը (25-ական տոկոս):
Բարաք Օբամային ականավոր կամ «միջինից բարձր» նախագահ է համարում ամերիկացիների 38%-ը: Ընդ որում, երկրի բնակիչների 35%-ը նրան համարում է վատ նախագահ կամ «միջինից ցածր»: Ամենավատ նախագահ ամերիկացիները համարում են Նիքսոնին և Ջորջ Բուշ Կրտսերին:
Public Policy Polling-ի անցկացրած հարցման համաձայն՝ ամենահայտնի նախագահը Ջորջ Վաշինգտոնն է: Նրան դրական է վերաբերում ամերիկացիների 89%-ը, բացասական՝ ընդամենը՝ 3%-ը: Վաշինգտոնին հաջորդում են Աբրահամ Լինկոլնը (85-ը 3-ի դիմաց) և Թոմաս Ջեֆերսոնը (74-ը 6-ի դիմաց): 10 ամենահայտնի նախագահների թվին է դասվում նաև Ջոն Քենեդին (70-ը 21-ի դիմաց):
Հիշեցնենք. այսօր նշվում է ԱՄՆ նախագահների օրը: