Մուհամեդ Ալին իր 70-ամյակին նվիրված տոնակատարության ժամանակ, որը կազմակերպվել էր Լաս Վեգասում, ոչինչ չի ասել և, ինչպես հաղորդում է Time U.S.-ը , ստիպված էլ չէր որևէ բան ասել: Մուհամեդ Ալին իր կյանքի այնպիսի շրջանում է, երբ շատ բան չի անում:
Սակայն նրա շուրջը շատ բան էր կատարվում շաբաթ օրը: Նրան եկել էին շնորհավորելու հայտնի մարդիկ` իրենց ներկայացումներով կամ խոսքերով: Ոմանք ծննդյան հավաքույթին ժամանել էին Ուիթնի Հյուսթոնի հուղարկավորության արարողությունից հետո: Նրան Grand Garden-ում շնորհավորելու էին եկել ավելի քան 2000 հայտնի մարդիկ, ովքեր իրենց ներկայությամբ իրենց հարգանքն էին ցուցաբերում մարզաշխարհի կենդանի լեգենդին:
Մինչ միջոցառումը անհանգստություններ կային, որ Ալին միգուցե չկարողանա գալ Վեգաս, որտեղ հանգանակությունների միջոցով գումար էր հավաքվելու Lou Ruvo առողջապահական կենտրոնի և հենց իր` Մուհամեդ Ալիի կենտրոնի համար:
Փետրվարի մեկին մահացել էր Ալիի սիրելի մարզիչը, և ընկերները հայտնում էին, որ դրանից հետո նախկին մարզիկը երկար ժամերով լուռ նստում էր և չէր շփվում: Բայց, բարեբախտաբար, նա կարողացել է ներկա գտնվել իր 70-ամյակին նվիրված արարողությանը:
