Այսօր «Համահայկական Բանկ» ԲԲԸ-ն գրանցվել է որպես ՆԱՍԴԱՔ ՕԷՄԷՔՍ Արմենիա-ի շուկայի մասնակից և շնորհվել է PNARB առևտրային կոդը: «Համահայկական Բանկ» ԲԲԸ-ն թույլատրվել է Բորսայի վարկային հարթակին և այսուհետ կմասնակցի վարկային ռեսուրսների շուկայում կազմակերպվող առևտրին:
Համահայկական Բանկը հիմնադրվել է 2011 թ-ին և գործում է որպես ներդրումային բանկ՝ նպատակ հետապնելով միջազգային ֆինանսական կազմակերպություններից և զարգացմանն ուղղորդված մասնավոր աղբյուրներից հավաքագրել երկարաժամկետ ֆինանսական միջոցներ և իրականացնել մասնավոր ձեռնարկությունների զարգացմանն ուղղված ներդրումային ծրագրերի ֆինանսավորում:
«Առաջին լրատվական»-ին բորսայից հայտնեցին, որ առ այսօր բորսայի անդամ և շուկայի մասնակից են 32 ընկերություններ, որոնցից 25-ը բորսայի անդամ են, իսկ 7 ընկերությունը՝ շուկայի մասնակից:
