Հետևելով ինտերնետային կայքերին, թերթերին ու նրանց գրած թեմաներին, տպավորություն է առաջանում, որ խոսքի ազատություն կա։ «Առաջին լրատվական»-ի հետ զրույցում ասաց երգիչ Արամոն:
Հարցին՝ արդյոք երգիչը կարծո՞ւմ է, որ իր իրավունքները պաշտպանված են՝ որպես արվեստագետ, նա ասաց, որ այստեղ վիճակն ավելի բարդ է։ «Ես կցանկանայի, որ հեղինակային ընկերությունն զբաղվեր այդ հարցով, քանի որ մեր իրավունքները գրանցված են հեղինակային ընկերությունում, ու դրանք պետք է պաշտպանվեն։ Այն երգերը, որոնք գնում են եթեր, արտիստը պետք է վճարվի դրանց համար»,- ասաց երգիչը՝ ընդգծելով «պիրատների» դեմ պայքարի անհրաժեշտությունը։ «Մենք պաշտպանված չենք այդ առումով։ Դա թույլ սանդղակի վրա է դրված»,- նշեց նա։
Հարցին՝ արդյոք նրա իրավունքները՝ որպես ՀՀ հասարակ քաղաքացի, պաշտպանվա՞ծ են, վերջինս ասաց՝ հուսով է, որ պաշտպանված են։ «Այդպիսի դեպք չի եղել, բայց կարծում եմ, հուսով եմ՝ իմ իրավունքները կպաշտպանվեն։ Դեռ այդպիսի դեպք չի եղել, հուսով եմ՝ չի էլ լինի»,- նշեց Արամոն՝ ընդգծելով, որ բոլորի համար պետք է օրենքը գործի, ու օրենքի առաջ հավասար լինեն բոլորը։