News Georgia-ի փոխանցմամբ՝ Վրաստանի խորհրդարանի նախագահ Դավիթ Բաքրաձեն հայտարարել է, որ Facebook սոցցանցում իր ընկերներն այսօր կարող են մասնակցել վիրտուալ ընտրություններին:
«Խորհրդարանի նախագահի վիրտուալ ընտրություններ» կոչված խաղը մեկնարկելու է թբիլիսյան ժամանակով ժամը 15.00-ին: Հաղթող կդառնա նա, ով խորհրդարանի նախագահի էջում կհավաքի ամենաշատ Like-երը: Այս խաղը տևելու է 55 օր, հաղթողն իրավունք կստանա մեկ օր շարունակ անմիջականորեն հետևել Վրաստանի խորհրդարանի նախագահի աշխատանքին:
Բաքրաձեն հավելել է, որ սա նմանատիպ երկրորդ խաղն է: Առաջին դեպքում հաղթել է Էկոնոմիկայի և կայուն զարգացման նախարարության շարքային աշխատակից Իրակլի Գլոնտին, որը ստացել էր 1878 քվե և նախորդ տարվա նոյեմբերի 14-ին հնարավորություն է ստացել հանդես գալ խորհրդարանի վիրտուալ խոսնակի դերում:
